Kutholakala isidumbu sindenda emfuleni
Providence Moyo
Abezomthetho esibalelweni seNingizimi eMatebeleland baxwayisa uzulu ukuthi aqaphele angangeni emifuleni lezifuleni ikakhulu ma bengwakwazi ukuhantsheza ukuze bavikeleke engozini zamanzi.
Ekhuluma le Community Podium, isisekeli seskhulumeli samapholisa esigabeni umnumzana Thandolwenkosi Moyo uveze ukukhathazeka ngokubabudedengu kwabantu nxa kukhangelwe ingozi ezingalethwa ngamanzi empilweni yomuntu ikakhulu ma besebenzisa izindlela ezihamba phakathi kwemifula.
“Siyakhuthaza uzulu ukuthi nxa kungabe kuvuma ukusebenzisa ezinye indlela ukufika la abangabe befisa ukuyakhona bazisebenze njalo bazame ngawo wonke amandla ukugwema indlela ezidabula emifuleni ngoba kwesinye isikhathi zidala ukulahleka komphefumulo kungelasidingo. Ngakho asisebenzeni sonke sibambisane sivikeleke engozini lezi.”
Lesi sixwayiso siza ngemva kokutholakala komzimba wowesilisa oleminyaka engamatshumi lasikhombisa undenda emfuleni u Mtshabezi ngoLwesine kuviki ephelileyo, kwabonakala indoda eleminyaka engamatshumi amahlanu lasikhomba (57) u Ethias Nyathi ndenda emfuleni uMtshabezi lapho ayezama ukuchapha khona. Umzimba kamuyi wathathwa wasiwa esibhadlela esikhulu sesigaba iGwanda Provincial Hospital lapho isidumbu sakhe esizahlolwa khona ngabezempilakahle.
