Izakhamizi zithathelwa amasimu kugejwa igolide
Providence Moyo
Izakhamizi ze Nyathi zikhala ngokuthathelwa izinsimu kusembiwa igolide.
Ekhuluma ngesimo sezinga lokulima eMatebeleland ku Skyz Metro FM ngolwesine kuhlelo “Ilihlo Lemaphandleni” omunye umnuzana ongathandanga ukuziveza ibizo uthe lesi seshlakalo sivamile kakhulu eNyathi lapho abalimi abathathelwa khona indawo zokulima.
“ENyathi siyalima sibili okunganceda ekungezeleleni umnotho welizwe kodwa inkinga esihlangana layo yikuthi uyathi usathembile ukuthi indawo yokulimela ngeyakho, ubone abantu sebebuya besithi sekuyindawo yokwemba igolide. Kambe ungalima yini abantu besemba khonapho.”
Sibuye njalo lesi isakhamuzi saveza obala ukuthi lesi isiga sande kakhulu eFamona.
“Ungaze uzame ukuya emapholiseni ukuthi uyelwisana laloluhlupho akusizi ngalutho ngoba uzathola amaphepha esebiza ukuthi leyondawo ngeyokwemba igolide ngakho akula guarantee yokubalomhlabathi wokulima ngoba bengathanda uyathola sekwembiwa igolide khonapho wena usithi yinsimu othembe ukuthola khona ukudla.”
Ekhuluma njalo kuloluhlelo omunye wezakhamuzi zase Matebeleland oziveze ngokuthi ngu Pilate uthe balohlupho njalo lwabalimi abavelela kwezinye izigaba ababuya lezilimo zabo zizothengiswa ezigabeni kusenza kubenzima ukuthi benze imali ngokulima.
” Kulabantu abavela kwezinye izigaba ababuye lezilimo ezifana ncamatshi lesilazo bezothengisa endaweni zethu ungakhangela lapha eMatopo silemibhida kodwa ikhona eminye njalo evela kwezinye indawo elethwa ngezimota lokhu kwengezelela ukuncintisana ekuthengiseni okucina kusibulalela imali thina abahlali bendawo.”
Abalimi abaphatheke kuhlelo babuye bacela njalo ukuthi uhulumunde aabancedise ngenhlelo ezithuthukisa abalimi ukuze babelomvuzo ozangezelela lasesikhwameni somnotho welizwe.
Ilihlo Lemaphandleni luhlelo olwenza ku Skyz Metro FM maviki wonke ku Skyz Metro FM ngolwesine lulethwa yi Community Podium ngenhloso yokuveza lokucubungela izinto ezenzakala emaphabdleni.
