Bakkali bamu Hwange bayanda basikuvotelwa babaswilizya
Rutendo Mapfumo
Nciindi cecifumo. Never Mudimba ufwambanina kuya kudamu nkwazibide mazuba onse kukuteka manzi, ku namba wani kumaD. Ulaciindi ciice biyo 2 awazi kuti ateke manzi nkatana kujalwa. Imanzi ngayanda ngakutyilila kangadi kakwe kanini, kupa tukuku twakwe tunini kuti tunwe antomwe akubelesya annganda kubantu bali musanu atutatu.
Ibusena buzibikene nkabutegwa madamu ncitondezyo kuzintu zilikucitika mutawuni ye mayini. Muzyindi zitalikabotu, ibanakazi balalwana kumadamu, nkambo mpawo aswaananwa nkabakvwiyana.
“Ndakaala lwacindi cilamfu kumaD minyaka yinda makuumi otatwe, lino ndazibila kubuumi obu. Cintu commwe nceseyandi ezimbuzi nzyakuti zkede nkaziladoti. Ibana bangu nibakaciili banini ndalikubasungwazya kuya kusokwe nkambo banike tabakonzyi busanambi pe,” wambobo Mudimba.
Twasisya minyaka ilimakuumi one atutatu inyika yaZimbabwe nkili yangununwa pesi ciisi ca Hwange cicipona mubuzike mbuli ciindi nikwakacili kwendelezya makuwa. Zimbuzi ezi zijanika mu namba wani, munamba tuu, munamba thili aku Cindelella anukuti bakede mumaanda mapati, amumaanda alakatakati balezimbuzi ziyakilidwe mukati mumandabo.
Bakkali bamuHwange balikuti balangililide kusanduka kweciimo mucindi eciino cakuvota.
Twakatala abantu basikuvotelwa nkambo batupa zisyomezyo zyakubeja kulindiswe basikuvota, twaliswini kukumbilisya ku Hwange Colliery Company pesi takwe nibatumvwa pe,”wambobo umwi ukkala mubusena obo Lovemore Dube.
Zimbuzi twingi zisampuka kuseni pesi muzyindi, ngazyanankana akuba mwema ununka nkaambo kakubula manzi.
Fidelis Chima wiminina Greater Hwange Residents Trust Coordinator wakapandulula etala aciimo cazimbuzi kuti zigwisya buntu.
“Ciimo cazimbuzi mubusena bwa Hwange Colliery citondezya buzike akugwisya buntu, anukuti zimbuzi tazilikabotupe mubusena obu,” wambobo.
Kutabeleka kwazimbuzi oku zilokusunda bakkali kuti baye musokwe.
“Kubusena bulimbuli ku namba thili aku namba tuu bantu binda makuumi alimusanu amaanda mingi babelesya cimbuzi coowe nkambo zimbuzi zyingi tazibeleki pe, ezi zyeta bulwazi ikapati kulobo busena bwambwa balepenzi lyamanzi azwa ku Hwange Colliery Company,” wambobo Chima.
Ima Kansila takwe nibalikukonzya pe kubelekela busena obu nkambo kakubula mali zyakugwasilizya.
“Mali ya Constituency Development Funds (CDF) yelede kubelesegwa kuzimbuzi kana kuti zimwayigwe kuyakwe zimbuzi zyelede mu busena bwa Hwange.
