CCC ithi ilethemba lokunqoba emaphandleni
Gift Nyathi
Akusensuku zatshwala zingqikilane eZimbabwe lapho kuzabekuqhutshwa ukhetho olugoqela olwabomongameli welizwe, amakhansila kanye labameli bedale lephalamende. Ibandla elincintisayo iCitizens Coalition for Change (CCC) yona eholwa ngu Mnumzana uNelso Chamisa lithi inhlelo zalo zokunqoba emaphandleni. zihambe kahle.
Ekhuluma lentathelizindaba eSigodlweni iHarare izolo, usomlomo we CCC unkosazana Fadzayi Mahere uveze obala ukuthi ibandla lakhe lilethemba lokunqoba liqhudelana lebandla elibusayo eleZimbabwe African National Union- Patriotic Front (ZANU-PF) elijayele ukunqoba kakhulu emaphandleni.
“Lonyaka amaqhinga ethu okunqoba emaphandleni aqhuba kahle kakhulu. Lokhu sikubona kakhulu ngenani labantu ababuyayo nxa silemihlangano lemikhankaso yethu. Inani liyajabula kakhulu ngakho lonyaka mancane amathuba okunqoba kwebandla elibusayo emaphandleni.”
Ubuye njalo unkosazana Mahere waveza ukukhazeka ngokukhitshwa lokudatshulwa kwamaphepha emikhankaso ebandla lakhe endaweni ezitshiyeneyo esithi leyi yindlela yokuncindezela iCCC.
Ebulenjini, kulemibiko yokuthi imikhankaso yebandla le CCC iyasuswa eBeitbridge.
Lolu uncindezelo lulesigwebo esingahambisa lowo akwenzayo entolongweni okweminyaka engedluli emibili.
Kusenjalo, isisekelo sombuso esigabeni esikhangelane lezokhetho elizweni (section 152) sithi noma ngubani osekelayo noma ophikisayo ibandla elithile noma umkhankasi othile akumelanga adabule noma asuse indlela zomunye okhankasayo kusukela ngelanga kubekwa usuku lokuvota kuze kufike lapho leyo mikhankaso ezakhitshwa khona yinhlanganiso ekhangelane lezokhetho elizweni iZimbabwe Electoral Commission (ZEC) ezindaweni okuzavotelwa khona kuphela.
