Bapya bamu Matebeleland North basanguna kunobusungwazya etala akuvota
Sibongile Dube
Mumanguzu akusungwazya akuyisya etala akuvota ibapya be Citizen Coalition Change (CCC) batalika kubbazya kulusalulo akubamba (REAP) etala akuyisya bantu mubusena bwabo akusala bazululi baleceelelo, balalwiyo aluzibo.
Mukwambula a Bryn Nyoni mupati we REAP wakati kabunga kabapya kalikwendelezya ma kampeyini kumyunzi kuBinga, Bubi aku Mguza.
“Ikabunga ke REAP kakabona kuti ibantu bamu Zimbabwe tabalikubuzigwa obotu kana kuyisigwa munkani zyakuvota alimwi bantu bingi takwe nibakabbazya pe. Nkinkako twakasanguna mubwendelezyi obu kusungwazya bantu kuti babbazye antomwe akubayisya etala akabunga kesu kapya kategwa CCC akukwabilila ma voti kuti lusalulo olu nkalutabikidwe antanganana kanakuti nkakuta ambidwe obotu.”
Ikabunga kabantu be REAP bakali muma district amuma province oko nkubakalobusungwazya etala akusanduka kwe Mfwulumende.
“Kwalino tulikwendelezya bwendelezyi mbuli kabunga alimwi tulabantu balikugwasilizya kumali etala akusikila bwendelezyi obo mu province,” wambobo Nyoni.
“Kwalino tulikwezya amanguzu woonse nkatulangilide kuzwidilila kulusalulo nkambo iswe tulibingi mu Matebeleland North Province. Mbuli kabunga tulikubeleka etala akuyaka kulikwabilila kusimide mukumbweza ZANU PF.”
Bayiminini baHwange balikwendelezya kubbazya kuvota. Thulani Moyo sikwaambwida kabunga kabantu mu district ya Hwange wakati ma kampeyini akaba musule akubona kuti ibantu bamu Hwange mbayumu kutwambo twakubbazya lusalulo.
Wakati ma kampeyini yakalinzila yakusungwazya bantu bonse kuti babbazye kuvota ikapati kubapya.
Moyo wakati bakabika ma Kansila onse mumasena asiyene bagwasizye mukucenjezya bantu alimwi akuswanizya mazina antomwe kulabo bayanda kubbazya kuvota.
Kwindila mumabambe emviki, kulabo bayanda kubbazya kuvota balapegwa myota zyakwenzya.
“Kucita kwabo nkwedontela,” wambobo Moyo.
“Ibantu bamu Hwange balasyalila kukutambula twambo. Tabanyungumuki pe, pesi tulabasungwazya bapya abaabo batabbazizye kuti balibonye kumaKansila abo. Twakatumina kambo kakuti kufumbwa uyanda kubbazya kuvota welede akabone Kansila wakwe akubakasimpe kuti zina lyabbalwa kuciitila kweta mota itabatole kobbazya kuvota kuma hofesi e ZEC.”
Kulilimwi bbazu kabunga ke Zanu PF balikuccita ma kampeyini etala akukasya enkondo mulusalulo olu.
“Twalikuccita ma kampeyini kuBinga, Dete oko nkutulikuti tatuyandi nkondo mucindi calusalulo,” wambobo Nicholas Dube umwi wakabunga ke Zanu PF.
Reeds Dube ulangide busena bwa Hwange Central Constituency wakamba majwi akozyene ikuti ibapya belede kulikasya munkondo.
“Tuyanda lusalulo lulalumuno kubapya akuti balikasye munkondo, akubasungwazya kuti babbazye kuvota mulumuno.”
