Umthetho wemtshado uvikela amalungelo abantwana
Ngu Providence Moyo
Lanxa inengi likhala ngokwengezelelwa kwemfanelo ezidingekayo nxa umuntu esefuna ukutshada okwesibili phecelezi (re-marry) kwele Zimbabwe, ezinye zalezi zindingeko zivikela amalungelo abantwana.
Lokhu kuvezwe ligqwetha uNikiwe Tshabalala ngesikhathi ekhuluma kuhlelo ilihlo leMaphandleni ku Skyz Metro FM lapho aveze khona ukuthi ukwengezelelwa kwezindingeko kuzelokuvikelwa kwabantwana nxa omunye umzali esethethe isinqumo sokuthi uzatshada lomunye umuntu mhlawumbe ngemva kokwehlukana (divorce) noma ukutshona komunye umzali.
“Umthetho unika inqgunquthela ye nkantolo ephezulu ye lizwe phecelezi (master of high court) amandla okuthi aqinisekise impilakahle yabantwana ngokuveza obala ukuthi bazagcinakala njani kukhangelwe impahla abazali abalazo.”
Ubuye njalo uMaTshabalala wagcizelela ngokuthi lokhu kuvikela njalo amafa abantwana.
“Lokhu kuyabavikela kakhulu abantwana lanxa umzali otshade okwesibili esebhubhile ngoba kubanzima ukuthi badlelwe amafa abo ngulowo muntu obetshade lomzali wabo. Kwesinye isikhathi soyesibone abantwana sebexotshwa lasezindlini zabazali babo kodwa ngaphansi komthetho lowu kubanzima ukuthi izinto ezinje ziyenzakale ngakho lo umthetho wenze kahle ekuvikeleni abantwana”.
UMaTshabalala uveze ukuthi umthetho lowu wenza ukuthi kubeleqiniso emitshadweni ngoba abantwana bayabe bengafihlakalanga njengokuyake kwenzeke kweminye imitshado lapho abantwana abafihlwa khona besebesiyavela ngemva kwesikhathi.
“Ucwaningo olwenziwa yi nkantolo ukuthi iphume lesimo sokuphila kwabantwana ngemva kokutshada komzali okwesibili luveza obala abantwana”.
Ilihlo lemaphandleni luhlelo olwenzakala ku Skyz Metro ngalolonke uLweSine lulethwa yi Community Podium ngenjongo yokucubungula izimo ezwhlukeneyo eziphathelane labantu baseMaphandleni esigabeni seMatabeleland.
