Ibantu be ZEC balikwendelezya kubbazya kuvota nkabalangililide abo bakasyede nkabatana kubbazya ikuti bakabbazye
Rutendo Mapfumo
Bantu bamu Hwange tabalikubotelwa pe nkambo kamazuba abikidwe akuyobbazya kuvota bamba kuti mazuba akubbazya kuvota alelede ayungizigwe kucitila kuti basikubbazya bavule.
Moreblessing Shoko uzwa kubusena bwaku Change wambakuti nali mazuba ayungizigwa kucitila kuti wonse muntu akonzye kujanika nkabbazizye kuvota.
“Tobamwi takwe nitwalikukonzya pe kosika kuma Ofisi eZimbabwe Electroral Commission (ZEC) alimuHwange nkambo kakuti tetwakazizi pe nkinkako tukumbila be ZEC ikuti bayungizizye mazuba bonse bantu babbazye kuvota,” wambobo.
Umwi ukala kuMpumalanga wambakuti ezi zilikucitwa abe ZEC zyakatambulwa nkambo wakakonzya kuyobbazya kuvota, zilamugwasya kuti akavote kwakusanguna.
”Ndilikusanguna kuvota alimwi ndiboteledwe loko kuti ndiyakukuvota kwakusanguna,”wambobo Loretta Shoko uzwa kuMpumalanga.
Nikuba bobo ikubbazya oku kwakaswanana abuyumu yumu bulimbuli kucelezeka kwindila mukuceeya kwaminciina ya Biometric Voters Regisration (BVR), kulampa kwamisinzo kukuya kukubbazya, kufwa kwaminciina, kutajana muzyambo muciindi celede antomwe aciimo ctazibiliki.
Mukambo kakabambwa nkabali babona buyumu yumu bantu be ZEC kucikamu cakusanguna bakabona nkazyelede kuti kubbazya kuvota kulikucitwa oku kuyungizigwe mazuba..
Mukambo nibalikubamba, bantu be Election Resource Centre (ERC) bakambakuti mazuba alikuumi akatalwa takakwana pe kuti bantu bonse bazumizidwe kuvota bakabbazye.
“Tukumbila be ZEC kuti bayungizye mazuba akubbazya antomwe abusena bwakubbazizya Muleli nkatana kubika mazuba akuvota,” wambobo ERC.
Kwakinkililwa kunembo nkakulikutegwa busena bwakubbazizya kuvota mbuce kulabusena bantu nkubavotela munyika izyakuti kulabo bayanda kulonga busena bwakuvotela belede bende misinzo milamfu.
Ba Mirriam Mandishona baminini ba Zimbabwe Election Support Nertwork (ZESN) kuMatebeleland North bakati IZEC yalikucita mulimo mupati wakunobwenzya etala ezyakubbazya kuvota.
“IZEC yakacita mulimo mubotu loko nkambo zyaliziyumu kubantu bakala kumyunzi ikuti bende baye kucikuwa kuyobbazya. Ibusena bwakubbazya kuvota bwacakusikika. IZESN yasungwazya bantu bakkala mu Hwange kuti batole mwenya oyu wakubbazya kuvota.
“Tusungilizya bantu kuti babelesye mwenya oyu kukubbazya kuvota. Ibantu bapona abulima, banakazi antomwe abalimene basungwazigwa kuti bakabbazye kuvota.
Mbace balikubbazya kuvota, nkinkako atubelesye mwenya oyutwinke tukbbazye kuvota mubwingi bwesu. Bacikula belede kuba kunembo, twazibona kuti bacikula balikusyalila musule mubbuku lyakuvota,”wambobo baMandishona.
